والان ! نبدأ موضوع التحلطم !!! لول
من اخر مره تحلطمت فيها عالاسعار والارف اللي قاعد انعانيه احنا الحرفيين المتفرغين !! وانا ليلحين افتر شويخ والري داعوس داعوس على الله يمكن القي ادمي ايأجر كراجه او ارضه ابسعر معقول بس للاسف الناس ليلحين راكبين راسهم و موراضين ايراعونا ولا الحكومه راضيه اتراعينا !!! شنسوي يعني ؟ نبي ارض نبي كراج نبي اي شي مستعده ادفع اجار ماني طالبه ارض لي !!!! بس ابي اجار معقول ياناس 4000 و 5000 من وين اطلعها !!! تره بديت اعصب !! ماقمت اتحمل !! السوري واللبناني وال وال وال كلهم حاطين كراجات اشكبرها واحنا عيال الديره !! مالت علينا لا كراج مثل العالم والناس ولا ارض ولا طل !!!! شي ايحر بس والله قاعده احجي عالفاضي !! يالله الله كريم محد املقي كلامي ويه ولا راح ايلقوني ويه جني عيوز بايقين غداها احن عالفاضي
Key Largo Garage
4 comments:
حسبي الله عليهم هذول أهل الجشع لابارك الله فيهم
المفروض الحكومة تحدد أعلى سقف للإيجار
الي قاعد يصير
صاحب الترخيص يضمن الرخصه على هندي بـ 1500 والهندي يضمنها على هندي ثاني بـ 2000 وهالهندي الثاني يضمنها على لبناني بـ 3000 وهاللبناني يا يفتح محل زينة :-) يايدورله واحد مبتلش راعي كراج ويصكه بسعر 4000 ويقول بدك ولا مابدك :-)
الله يعينج ويسهل امورج
هذي المشكله .. اسم هالمناطق
المنطقه الحرفيه
وماكو للحرفيين اي حق
الاحترام كله للتجار
انا مادري هل التجار هم من يدير البلد ؟؟
والله كلامك صح يابوفلان !! بس والله عيب محد حالبها غير الوافدين والكبار !! يعني انفكر انسوي مشاريعنا برا الكويت عشان الحبايب يستفيدون !! يالله الله كريم
q8ping ..والله صح منطقه امخصصه حق حرفيين محد ماكلها الا الوافدين والشركات .. واللي حاط الارض ونايم عليها واللي واللي !! الله كريم
Post a Comment