الخطه .. اني افلشها عالاخير واعدلها واصبغها من الاول
Key Largo Garage
Thursday, August 18, 2011
ترانز 1981
الخطه .. اني افلشها عالاخير واعدلها واصبغها من الاول
وبعد فراق طويل هههههه
هاي كلكم .. ادري قطعت فتره لاهيه وايد بالكراج وامور الحياه .. بس رجعت الحين مره ثانيه اقثكم ابجم صوره وتعاليق وتحلطم
Wednesday, September 29, 2010
الهمر الى التعديل
من بعد ماسافرت بالهمر لبنان وحكيته حك ولعنت والديه بالجبال ورديته الكويت وطنشته كسر خاطري وقلت ابلش فيه شغل بما ان الشغل خفيف بالكراج .. واهني امفلشينه وسنعناه وحددنا الضربات الخفيفه والغمزات اللي بالابواب 
اهني تاسس وجاهز للصبغ .. ياحلاته :)
Wednesday, September 15, 2010
Sunday, September 5, 2010
بنجرت ولا راميني ابرصاصه ؟
امس وانا على طريج فحيحيل رايحه 360 معاي بناتي ! فجأه سمعت صوت ضربه من وره السياره عاليمين وزلقت السياره بس عدلتها علطول الحمدلله ماكنت مسرعه تقريبا سرعتي كانت 100 وعلطول سفطت عاليمين ونزلت اشوف شالسالفه ! انا عبالي اندعمت ! بس يوم شفت ماكو احد صوبي توقعت ايكون بنجر ! وهذا اللي صار !!
طبعا علطول اوصلت المساعده يعطيهم الف عافيه اخوي ومسئول الكراج والسطحه وسحبنا السياره الكراج !! الغريب بالموضوع اني يوم فجيت التاير عن الرنج ولا الرنج مخروم خرم جنه طلقه داشه بالتاير والرنج !! ماكان زحمه والشارع فاضي وانا منتبهه لو في شي عالارض كنت شفته بس والله غريبه اللي فجأه جذي والحمدلله ماصار شي وصلحته وديت الرنج المخرطه ورقعت التاير وكل شي تمام :)
غريبه صح !!!! انا وايد مستغربه 
البنجر واضح بالضوء داخل الكراج
Wednesday, September 1, 2010
Tuesday, August 24, 2010
مادري شنو هالسياره !!
الصراحه !! انا مو ذاك الزود مع السيارات الكلاسيك .. ودشت عندنا هالسياره .. موديل 1948 وهذا الشي الوحيد اللي اعرفه عنها !! غير جذي مادري وللاسف ماني عارفه شنو ماركتها احس فيها ملامح الكرايزلر بس مابي اتفلسف عليكم .. فالي عنده خلفيه عن هالسياره اكون له ممنونه اذا قالي شنو اهي .. وانشالله ابنصبغها صبغ عام نفس اللون وباذن الله ابتطلع شي يديد .. ومثل ما انتوا شايفين الصدأ اللي تحت الكروم وايد ماكل بالسياره بس انشالله راح انضبطه وماشاءالله واااااايد نظيفه من الداخل
Subscribe to:
Posts (Atom)